मास्टरशेफ पंकज भदौरियानी विद्यार्थ्यांना दिले पाककला उद्योगाचे धडे

विद्यार्थ्यांना भदौरियाच्या मास्टरक्लासद्वारे परिवर्तनशील शिक्षणाचा अनुभव मिळाला

 

मुंबई, ६ ऑगस्ट २०२३ (AM News Desk):- पहिल्या भारतीय महिला मास्टरशेफ पंकज भदौरिया यांनी अलीकडेच एमआयटी-डब्लूपीयु हॉस्पिटॅलिटी मॅनेजमेंट विभागाच्या नवीन बॅचच्या इंडक्शन समारंभात सहभाग घेतला. कार्यक्रमादरम्यान, मास्टरशेफ पंकजने हॉस्पिटॅलिटी इंडस्ट्रीतील तिच्या आत्मयशोगाथेने विद्यार्थ्यांना प्रेरित केले. तिने विद्यार्थ्यांच्या सहभागाच्या कार्यक्रमाचीही सोय केली, जिथं विद्यार्थ्यांना तिच्याशी संवाद साधण्याची आणि पाककलेच्या जगाच्या मध्यातील मौल्यवान अंतर्दृष्टी मिळवण्याची विद्यार्थ्यांना संधी मिळाली.

एक महिला शेफ म्हणून यशस्वी होण्यासाठी कोणते गुण आवश्यक आहेत व महाराष्ट्राच्या खाद्य संस्कृतीबद्दल बोलताना आणि आपली यशोगाथा मांडताना विद्यार्थ्यांना मास्टरशेफ पंकज भदौरियानी आयुष्यातील काही मौल्यवान गोष्टी सांगितल्या. मास्टरशेफ, हा रिऍलिटी शो माझ्या आयुष्यातील टर्निंग पॉइंट होता. ती संधी माझ्यासाठी नवीन जगाची दारं उघडणारी होती. माझ्या विजयानंतर, प्रश्न होता: पुढे काय? आणि तेव्हाच मी लखनौमध्ये 'पंकज भदौरिया कलिनरी अकादमी' स्थापन करण्याचा निर्णय घेतला.

मास्टरशेफ पंकज हे एमआयटी-वर्ल्ड पीस युनिव्हर्सिटीच्या हॉस्पिटॅलिटी मॅनेजमेंट विभागाचे ब्रँड अॅम्बेसेडर आहेत, जे हॉस्पिटॅलिटी क्षेत्रात करिअर करू इच्छिणाऱ्या विद्यार्थ्यांसाठी सर्वात जास्त मागणी असलेल्या विभागांपैकी एक आहे. ते बीबीए इन हॉस्पिटॅलिटी अँड हॉटेल अॅडमिनिस्ट्रेशन, सर्टिफिकेट कोर्स इन बेकरी अँड पॅटिसरी आणि सर्टिफिकेट कोर्स इन कलिनरी एंटरप्रेन्युअरशिप यासारखे अभ्यासक्रम देतात.

इंडक्शन समारंभानंतर मास्टरशेफ पंकज यांच्या मास्टरक्लासद्वारे विद्यार्थ्यांना परिवर्तनशील शिक्षणाचा अनुभव घेण्याची संधी मिळाली. त्यांच्या कौशल्याचा आणि पाककला उद्योग जगतातील वास्तविक ज्ञानाचा विद्यार्थ्यांना त्यांच्या आगामी प्रवासात नक्कीच फायदा होईल.